ఐ లవ్ యూ అమ్మా

-
నువ్వు   పోసిన   లాల...  నువ్వు   ఊపిన   ఉయ్యాల.

 నువ్వు   కలిపిన   ముద్ద...   నువ్వు   పెట్టిన  ముద్దు.

 నువ్వు  చెప్పిన  కథ...  నువ్వు  పాడిన  పాట.

 నువ్వు  నేర్పిన  నడక...  నువ్వు  వేసిన  పిలక.

 నువ్వు  వేసే అట్లు...  నువ్వు  తిట్టే  తిట్లు.

 నువ్వు   వేసిన  లెంప కాయ...  నువ్వు   కొట్టిన  ముట్టికాయ.

 అన్నీ మధురమే...

 అందుకే
ఐ లవ్ యూ
ఐ లవ్ యూ
ఐ లవ్ యూ  అమ్మా!
నీ  వడిలో  పడుకుని
నీ వేలు  పెట్టుకుని
ఆడిన ఆటలన్నీ మధురమే.

 నిన్నే అంటి పట్టుకుని
నీ భుజమున తల వాల్చి
తీసిన కునుకులన్నీ మధురమే.

 నీ ఊయల ఊపులకై
నేనేడ్చిన దొంగ ఏడుపులన్నీ మధురమే.

 నువ్వు లాల పోస్తుంటే...
నేనే పోసుకుంటానని చేసిన అల్లరి అంతా మధురమే.

 నేనే అలిగితే
బుంగ మూతి పెట్టి కూర్చుంటే
నువ్వు చేసిన బుజ్జగింపులే మధురమే.

 కంటి వంటి నా ప్రాణానికి
కనుపాపే నీ ప్రేమ అమ్మా!

 కాళ్లతో తన్నినా మురిసిపోయే పిచ్చి ప్రేమ నీదే అమ్మా!

 అందుకే
ఐ లవ్ యూ
ఐ లవ్ యూ
ఐ లవ్ యూ  అమ్మా!

నీ భుజంపై తల వాల్చి నే చూసిన లోకమే అందమైనదమ్మ...
నీ చెయ్యే పట్టుకుని నే నడిచిన దారే మరిచిపోనిదమ్మా...
నీ పేగు తెంచుకుని నాకిచ్చిన ప్రాణానికి ఋణపడి ఉంటాను అమ్మా...
నీ రక్తాన్నే పాలుగా మలిచి నాకిచ్చిన అమృతానికి విలువ కట్టలేనమ్మా...
జో కొడుతూ నువ్వు చెప్పిన కధలే జీవిత పాtaలు కదమ్మా...
నువ్వు నేర్పిన రాతే మార్కులు తెస్తాయి
నువ్వు నేర్పిన పలుకులే ఉద్యోగం ప్రసాదిస్తాయ్
జీవితంలో  ప్రతీ రోజు నువ్వు  నేర్పిన ఒక్క పనైనా నిన్ను  గుర్తుతెస్తూ బ్రతికినంతకాలం తీర్చుకోలేని ఋణంగా మిగిలిపోతాం.
రోజు పూజ చేసినంత మాత్రాన కష్టం వస్తే దేవుడు రాడు, పిలవకపోయినా నువ్వు పరిగెత్తుకుని వస్తావ్.
అందుకే
ఐ లవ్ యూ
ఐ లవ్ యూ
ఐ లవ్ యూ  అమ్మా!













Comments

Post a Comment

Popular posts from this blog

తెలుగు సామెతలు

-
Image
తెలుగు భాష వాడుకలో కొన్ని వందల సామెతలు పుట్టినవి. ఏ కాలంలో అంటే ఆటో పంచులు వచ్చి ఇలా వుంది కానీ ఆ కాలంలో పెద్దలు సామెతలతో ఆటాడుకునేవారు.  మీకు తెలిసినవి, లేదా ఇంకా తెలుసుకోవాలంటే ఈ క్రింద ఇచ్చిన లింక్ ద్వారా పొందగలరు. చదివి  ఆనందించండి. click here to download
Read more

ప్రపంచ ప్రసిద్ధి గాంచిన ఒక అద్భుతమైన లేఖ ఇది.

-
Image
తన కుమారుణ్ణి స్కూల్లో చేర్చుతూ  ఒకనాటి అమెరికన్ ప్రెసిడెంట్ అబ్రహాం లింకన్ టీచర్ కి రాసిన లేఖ. ఇది ప్రతి తల్లికి, తండ్రికి, టీచర్ కు, విద్యార్ధికి చేరాల్సిన లేఖ. " మా అబ్బాయి ఇవాళే మొదటిసారి స్కూలుకి వస్తున్నాడు.కొంతకాలం అక్కడ అంతా వాడికి వింతగానూ కొత్తగానూ ఉండబోతోంది. అందుకే వాడితో మీరు కొంచెం సున్నితంగా ప్రవర్తిస్తారని ఆశిస్తున్నాను.  ఈ సాహసకృత్యం వాణ్ణి సప్తసముద్రాలూ దాటి వెళ్ళేందుకు సాయపడవచ్చు. ఆ సాహసాల్లో యుద్ధాలూ, విషాదాలూ, దుఃఖాలూ వాడికి అనుభవంలోకిరావచ్చు.అలాంటి జీవితంలో వాడికి నమ్మకం, ప్రేమ, ధైర్యం తోడుగా ఉండవలసిన అవసరం ఎంతైనా ఉంది. అందుచేత, దయచేసి మీరు దగ్గరుండి ప్రేమతో వాడు నేర్చుకోవలసినవన్నీ నేర్పిస్తారా? వీలైతే అవన్నీ సున్నితంగా నేర్పగలరా?  1.ఒక మిత్రుడుంటే ఒక శత్రువు కూడా ఉంటాడని నేర్పండి. అందరు మనుషులూ న్యాయంగా ఉండరనీ, అందరూ సత్యసంధులు కారనీ వాడికి తెలియాలి. 2.ఒక దుష్టుడున్న చోట ఒక వీరుడు కూడా ఉంటాడనీ  జిత్తులమారి రాజకీయ నేత ఉండే చోటే అంకితభావంతో పనిచేసే నేత కూడా ఉంటాడనీ చెప్పండి. 3.అప్పనంగా దొరికిన ₹100 కన్నా సొంతంగా సంపాదించుకున్...
Read more

12-February-1995

-
Image
ఉత్తరాయణ, శిశిర ఋతువు, మాఘ మాసమున  (సాక్షాత్ పరమ శివుడు జన్మించిన మాసమున) రవి వారనా... శుక్లపక్షం త్రయోదశి  తిధి లో... ఆరుద్ర  నక్షత్రంలో... ప్రీతి యోగమున... మిధున రాశిలో... సూర్య, చంద్ర, రాహు, శని, కేతు, బుధ గ్రహాల సమక్షంలో... భారత మహాసముద్రము నుంచి బంగాళా ఖాతం మీదుగా వాయువు సమీపిస్తుండగా.... అగ్ని ఆదిత్యునిలో చేరి ఎదురుచూస్తూ వుండగా... భుదేవి ఆరాట పడుతుండగా... ఆకాశం కళ్ళు పెద్దవి చేసుకుని ఉరుమి చూస్తుండగా... పశు పక్షి జంతు ప్రాణులు జరగబోయే మహత్కార్యాన్ని ముందుగానే ఊహించించి ఆనందంతో తాండవం ఆడుతుండగా... చుక్కలన్నీ దిష్టి తీయడానికి సిద్దం అవ్వగా... పార్వతి దేవి కి సరితూగగల  శక్తి ని... సరస్వతీ దేవి కి మించిన యుక్తి ని... పద్మావతి దేవి కి అసూయ కలిగించేంత సౌందర్యాన్ని మూడున్నర కిలో గ్రాముల బరువు కలిగిన మాంసపు ముద్ద ఆకారంలో బ్రహ్మ సృష్టించగా.... విష్ణు మూర్తి చేతి స్పర్సతో చక్కనైన ఆకారం కూడినట్టి ఆ సుగుణాల రాశికి శంకరుడు ప్రాణం పోసి కిందకి తెసుకువచ్చాడు. మలి కాన్పుకు సిద్దమైన, పూర్వ జన్మమున అ...
Read more